HERR
Ne, säuk Di man ’ne anner ut!
Kein Hüsung heww ’ck för so ’ne Brud!

ERZÄHLER
De Herr is weg; Jehann bliwwt stahn,
As hadd vör em de Blitz rin slahn.

JEHANN
Worüm? – Woso? – Worüm ’ne anner?

ERZÄHLER
Un smitt sick an de Hock heranner.
Mariken kickt em trurig an:

MARIK
Ick säd di ’t woll, min leiw Jehann.
Nich wohr? Nu is ’t woll rein vörbi?

ERZÄHLER
Hei stött ehr Hand ingrimmig weg:

JEHANN
Du sädst dat woll? De Wohrheit segg!
Wat is ’t, wat hett de Herr mit Di?

MARIK
Du weitst, hei kann mi nich utstahn.

JEHANN
Dat is dat nich! De Wohrheit rut: