De Klock, de stött, de Köster
de beiert af de Woch;
de Klœs dor vör ehr Nester
de karken luter noch.

Wat is dat för ’n Geklœter?
Dat geiht jo klack un klick!
– Dat is in ’t Dörp Kœter
sien Seiß, de hoort he sik.

Klack, klick! klick, klack! So schleit he
sien Håmer run un rup,
un dorto piept un fläut he
sik sülm een Stückschen up.

Wat heet dat Panken, Pinken?
– Dat is dor vör de Schmär,
dor lecht Schmitt ni Tinken
de iesern Ägen vör.