Scholmeiste Boars – je de was echt,
Un de vestünn to backsen,
Un ümme hett sin Sprüch he seggt,
Wull he üns aw ens jacksen.

Ens set bi’t saewt Gebot ick wiß
Un künn nich rut mi trecken:
- Je, roep he dunn, all wat nich is,
Doa kann ’n ok Nicks vun seggen.

Na kumm ens rut doa ut din Bänk,
Wat helpt all dat Bisinnen!
Denn wat en nich velüst, dat, denk
Ick, kann en ok nich finnen!

Sin Fust was knakendroeg un swer;
Irst hett se aw mi knuffelt,
Backst linksch un rechtsch mi nast un sär:
- Sü, aewe Krüz höllt duwwelt!