Uenne ’t Krüz un in dat Graw
Doa de lange Reg
Slap un wet vun nicks nich aw,
Un de stürt ken Fleg.

De hew ’t aewestan un ligg’
In er Lakens still;
Kem doa werre en vun trügg,
Denn wir ’t Kinnespill.

---

An den Turn doa inne Mür,
Wu se ’t Galmlock hett,
Glaest dat as sonn spoekig Für
In en ollmig Brett.

Wat mi graest - un wat mi grust,
Un wu still dat sitt!
Wenn dat wir ’ne Ul, de must,
Roep se woll: Kumm mit!

---

Mankedörch – Herr Jes, un denn
Wu vefirt dat en!
Knackt un ruschelt dat, as wenn
Sacht üns naslickt wen;

Dat en na sin Handstock foart
Un ment Wunne wat –
Un is doch man sonn oll Moard,
Sonn oll Ilk un Katt.