Martha Müller-Grählert
Dachut un dachin –
Diern, nimm di ein’n annern
Un füüch di dorin!
Kann lange nich wielen
An Land irgendwo,
Möt reisen un ielen –
Hoiho!
Un wist du miene Fru sien,
Ik sech di vörut:
Ik kann di nich tru sien,
De See is mien Brut.
Ehr bün ik verspråken,
Un glücklich un froh
Kann sei mi bloots måken –
Hoiho!
Un will sei mien Läben,
De gräunhoorig Diern –
Ik möt ehr dat gäben,
Ik gäf ehr dat giern!
So låt mi denn wannern
Un heff di nich so,
Finnst bald einen annern.
Hoiho!