Martha Müller-Grählert
Dagut un dagin; -
Diern, nimm di ein’n annern
Un füg di darin!
Kann lange nich wielen
An Land irgendwo,
Möt reisen un ilen, -
Hoiho!
Un willst du mine Fru sin, -
Ik segg di vörut:
Ik kann di nich tru sin,
De See is min’ Brut.
Ehr bün ick verspraken,
Un glücklich un froh
Kann sei mi bloß måken, -
Hoiho!
Un will sei min Leben,
De greunhorig Diern, -
Ick möt ehr dat geben,
Ick gev ehr dat girn!
So lat mi denn wannern
Un hev di nich so,
Findst bald einen annern.
Hoiho!