Martha Müller-Grählert
Schreibung: Müller-Grählert 1907
Schreibung: Orthographie Herrmann-Winter (mit Übers.) 〉〉
Mine Heimat
Trecken an den Strand,
Wo de gele Ginster
Bleugt in’n Dünensand,
Wo de Möven schriegen
Grell in’t Stormgebrus,
Da is mine Heimat,
Da bün ick tau Hus.
Well- un Wogenrauschen
Wir min Weigenlied,
Un de hohen Dünen
Segn min Kinnertied,
Segn uck all mine Sehnsucht
Un min heit Begehr,
In de Welt tau fleigen
Oewer Land un Meer.
Woll hät mi dat Leben
Dit Verlangen stillt,
Hät mi allens geben,
Wat min Herz erfüllt’;
Alles is verswunden,
Wat mi quält un drev,
Hev dat Glück nu funnen,
Doch de Sehnsucht blev.
Sehnsucht nah dat lütte,
Kahle Inselland,
Wo de Ostseewellen
Trecken an den Strand,
Wo de Möven schriegen
Grell int Stormgebrus, -
Denn da is min Heimat,
Da bün ick tau Hus!
Schelmenstücke 1907 S. 5 f.