Martha Müller-Grählert
Süss wieder kein’,
Nich Mann un Fru un ok kein Kind,
Ach nee, nich ein.
Allein sitt ik un ganz verlåten
In mienen lütten Strohdackkåten.
Vör miene Husdör späält de Sünn
So hell un wach,
Sei schient in miene Finstern rin
Un winkt un lacht.
Dat is, as reep sei dörch de Ruten
In mienen Schostein schuult de Månd
Ganz heimlich, kiek!
Hei denkt sik: Wer hier unner wåhnt,
De is woll riek,
Nie hür ik Süfzen orrer Klågen, -
Ik hür de Kuckucksuhr bloots schlågen.
Un hei hett recht, de leiwe Månd,
Hei weit Bescheid.
Väl rieker bün ik, as man åhnt
Un as man weit,
Bün ik ok ein einsåm Minschenkind, -
Mi grüßen Sünn un Månd un Wind!