3.

Adebor, verståh mi recht,
Adebor, du roder!
Sech, wat hest du mit mi bröcht –
Isʼt ʼn lütten Broder?

Adebor, verståh mi recht,
Adebor up ’t Neste!
Hest du dån, wat ik di secht –
Is ʼt ʼne lütte Schwester?

Bring du, wat du grad to Hand,
Wil dat all een Don is,
Ob dat Gos is odder Gant,
Håhn dat odder Hohn is;

Ob dat He is odder Se,
Hot is odder Hüwing;
ob dat een sünd odder twee.
Düfferts odder Düwings.