Du, gåhn to Holt dor ok de Lüd
un hål sik Pingsten Mai?
Sünd dor vun richtig witte Klür
Solt, Schmolt un Höhnerei?
Dot orrig Speck se mank ok,
wenn se de Tüffken maust?
Un gifft dat dor ok Pannkok
un Dickmelk in de Aust?

Heff se dor Mur un Wuurt un Brok
un Soll un Bäk un Wisch?
Heff se dor Müsʼ un Schnåken ok,
Quaducks un Poch un Fisch?
Du sühst so glatt, ick glöf di,
schråch hett di ’t sacht nich gåhn –
Man heff se ok so leef di,
as wi dat ümmer dån?

Geihst du dor ok so frank un fri
mank Oss’ un Käuh un Schåp?
Don dor to leed de Jägers di
ok wat, wenn se di dråp’?
Heff se ok all eens töwt dor,
wu du so lang recht steckst –
Un sünd se ok bedröwt dor,
Wenn fuurt du wedder treckst?