Oll Pingsten - du oll Pingsten!
Du güllen, güllen Tit!
De Gröttsten un de Ringsten,
Wu wad dat Hart er wit!

Foer Koenig un foer Kaete,
Hog Barg un depe Grünn’,
Up Katens un up Slaete
de en, de sülwig Sünn.

Dat sülwig groene Leben
An Halm un Busch un Bom,
De sülwig blage Heben,
De sülwig soete Drom.

En Lachen un en Singen,
En Nemen un en Dank,
En Hart voer allen Dingen
De hel oll Welt entlank.