Nu schint de Sünn so warm un hell
Up Feld un Wold un Wisch;
As Sülwe blänkern Bek un Söll,
Un Allens süt so frisch,
So grall, so quick ut un vergnögt,
As en, de insloep üngewegt
Un, nu he oarig slapen,
Ritt beir sin Ogen apen.

Wu kwinkelert de Lewark schoen,
Wu lustig quakt de Pogg!
Doa achte schint de Sat so groen,
De Weit, de Rapp un Rogg. -
Dat kümmt sick ganz gefärlich all,
Dat helpt sick mal, doa kann sick ball,
Voerut tenz bi de Eken,
’Ne Krei all in vesteken.