Un sehg, wo ’t all bi jüm noch rund geiht ,
Wo ’t mit de Koh un mit de Hund steiht
Un mit dat Peerd,
Un dat Anntrin noch ümmer de Mund geiht
As ’n Lammersteert .
Jüm schrievt mi, dat dat Koorn goot stohn deit,
Un dat jüm lütt Jan Paul al gohn deit,
Un dat jüm Persepter de Jungs sloon deit,
As weer ’t nix Goods,
Un dat Jan Discher bi jüm wohnen deit
In ’t Achterhuus.
Plünnen Antje hett mi letzt de Breef broch,
Un hett mi seggt, de Pütter leev noch
Un sien Jan Hinnerk weer de Sleef noch
Vun fröher her,
Un all dat Nies, wat ’t sünst geev noch
Vun em un ehr.
Dat ’s ditmol allens, wat ik weten do,
Op ’n anner Mool mehr, wenn ik wat vergeten do;
Plünnen Antje bringt ok noch en beten to
Jan Paul sien Mund.
Gott geev jüm, wat ik wünsch un beden do:
Blievt all gesund.