West, wu de Weg to de Meltunn geit,
To sonn vull Tunn? Hak du man drist
Voer Däu un Dag bet in de Nacht,
Bet Stirn an Stirn sick baben wist.

Kik di nich üm un bliw nich stan,
Hak du din Foar man vörrwartsch frisch, -
Nast fürst dat Kurn du in din Schün,
Dreggt More Melgrütt uppen Disch.

West, wu de Weg tüm Dale is?
De geit hart achte ’t Penningstück,
Un wen nich up ’n Penning süt,
Kriggt ni ken Dales in sin Fick.

Wu geit de Weg to Sünndagsrau?
Man ümme na de Warkeldag,
De Warkster dörch un ’t Ackefeld, -
Denn is foer ’n Sünndag goa ken Frag.