Ick wet nich, wat dat heten schall,-
Hannjochen kickt mi ümme na,
In Dönsk un Hoff un Schün un Stall
Un wu ick ga un wu ick sta;
Denn kickt he üm de Eck un denn
Ens werre aewe Tun un Rick,
Denn ut de Luk goa na mi hen,-
Dat is un bliwt en narrsches Stück!

Un wenn he buten haken deit,
Un ick kam na de Regel ’ran
Denn seggt he: prr! De Haken steit
He dreigt sick üm un glupt mi an;
Un hal ick ’s Abens Spol un Flaß
Un schuw min Spinnrad ranne ick,
Denn schult he na mi hen foer dwaß, -
Dat is un bliwt en narrsches Stück!