Nu, Meiste, schruw He to dat Sark!
Nu, More, More, mak di stark
Un droeg di aw din Tran!
De Wag de für nu voer, Johann
Un Schritt foer Schritt lettst du din Spann
Hen na den Kirchhoff gan.

Wi, Kinne, wi ga mit to Fot;
De Weg to Gott is ümme got,
Un is ’t sonn swoaren Gang,
So swoar as ick em gan nu moet,
Mi drägen doch sacht hen min Foet,
Wir he noch ens so lang.

Wat freugt ick mi, as Gott em gew. –
Sonn enzigst Kind hett en so lew,
Wat helpt dat alltosam!
He stürw; ick bring em na sin Graw,
Gott’s Husdoer is ’t, doa sett ’k em aw –
Für to, in Jesu Nam! -