Wenn Allens slöppt, wen ensam doa
Un hartkrank up sin Pael denn liggt
Un finnt ken Og vull Slap un goa
Ken Rast voer Öelle un voer Gicht,
De denkt woll: Wenn du slapen künnst
En Stunn an Riten un an Pin – –
Doa hür! De Hofhund hult un günst!
Is dat din Rop? Schüst du dat sin?

De Mulwarp de smet gistern jo
Up in de Kaek grar ünne ’n Hird;
Se tüschelten dat all sick to,
Grotvare un Marik un Dürt;
Se segen witt ut alltohop,
’Ne Tran harr in er Og Karlin...
De Mulwarp smet! Is dat din Rop?
Schüst du dat sin? Schüst du dat sin?