De Kip harr ken Deckel,
Doa kek he herute,
Twe blanke Slepkarten
De harr in sin Snut he.

- Nu boeren wi Schillings,
Nast koep’ wi üns Stuting:
Denn kriggst du ok aw wat,
Min Seling, min Puting! -

So humpelt to Stadt
Mit den Korw un dat Goer se
Un, sü ens! fiw Schilling
De kreg se, de boer se.

Man, ach! voer de Bor
Kreg se werre er Nücken,
Veder se, vesoep se
Mit ens er poar Plücken.

Dunn tummelt na Hus se
Den Aewe bi ’t Wate;
Doa schoet ut de Kip er
Herut de Krabate.

Se seg em koppheiste
In Wickeln un Bündeln
Den Aewe hendal
Mit Geblarr ’rünne tründeln.