- Gistern ... hente tein so, Nawe, Bi Klock elbn so rüm, voer Disch ... Wull ick ran ens an min Hawe Un dat Mankkurn bi de Wisch. Kümmt min Jung doa sacht ansleken, Un he würr mi nich gewoar, - Ick harr achte ’n Bom mi steken, – I, denk ick, wat deit he doar? Sacht slek he sick an dat Falen In de Koppel, an dat blest, - Un – mi schall de Schinne halen! En - twe - dre – is ’rup he west. Na, de Voß – twejärig würr he Un is ’n hel kaptales Pird, – Irst doa stünn bomstill un schürr he Sick, as harr he sick vefirt.