Dat Allebest - dat Allebest, Dat in de Frömm ick seg, En smuck lütt Foartüg is dat west, Dat doa voer Anke leg; Noch lang höllt dat ken hunnet Last, Man wat mi denn so freugt! - Dat was, dat vun sin boewelst Mast De Vagel Grip hett weigt. Dat was de Bucht vun Halifax, All Schep in Sünndagsstat; Doa weigten hunnet Junionjacks Dannbrogs un Hanseat, Hollandsch un Fransche Triculur, De Janki Stirn un Strip. - Man ken so flott un ken so stur As du, oll Vagel Grip! Ick kek un stünn un stünn un kek Un harr un kreg nich nog; Dat würr mi üm dat Hart so wek, Un natt würr mi dat Og. Mi dücht, as prait de Vagel doar Mi an in enschen furt: - - Kumm! - foer de Warnow sünd wi kloar - Kumm furtst man mit an Burd!