- Ne, Jung, du wagst din Leben recht, Dat up sonn Ben du geist! De sünd jo as ’n Weweknecht Sin, dat ’s dat allemeist. Un, Jung, wenn du de Hand mi giwst, Denn hew ick grote Not, Wat du doa mal an hacken bliwst, As Metten an min Hot. Ne, Jung, du moest inne Snirelir, Du büst as ’n Lappen Plünn; Du kannst tonor dörch ’t Nadelür Sülst dörch, du büst so dünn. Un wenn du ’n goren Snire wast, Moest wägen saeben Punt. Un wenn du dat nich wägen deist – Denn büst nich mir gesund! -