- Lang Nawern ens dat Lechel hen, Wat to üns Bir he seggt, ... Un ob sin Ollsch sonn Drinken ok As üns to brugen döggt. - - - Jug Bir, doa lett sick Nicks vun segg’n, Ken Klünne is ’t, ken Jüch, Dat is nich, Nawe, allto sur Un allto soet ok nich. Un, Nawe, wenn en hellig is, Dat ’s het, un doa is doch Up ’n Vittel Wegs ken Born to Hand, Denn deit en sacht ’n Tog. Man bi jug Bir, un, Nawe, Nicks Foer ungot, schint dat so, As droeg doa Lazarus dat Molt Un Simson Wate to. - -