Schreibung:
Erstdruck (1859) Erstdruck mit Übersetzung 〉〉 Orthographie Herrmann-Weber 〉〉
John Brinckman
De voernem Gast
Perr up nich vull so fast!
De Del un Sal de knackt un knarrt,
Un hier is ’n voernem Gast;
De is hüt aw hier stegen,
Dreggt up sin Kopp en Kron –
Uem din lew More wegen
Moet wi em Ir andon.
Mak apen du man sacht,
Ganz sacht de Kamedoer,
Doa kannst em sen in all sin Pracht,
He steit an ’t Berr bi er
Sin linke Knakenhand hett
He up de Stirn er leggt,
He swiggt – man na den Kirchhoff wist,
Min Saen, he mit sin recht’! -
Quelle: Vagel Grip. Güstrow : Opitz, 1859. S. 198. online 〉〉