Schreibung:
Erstdruck (1859) 〉〉 Erstdruck mit Übersetzung 〉〉 Orthographie Herrmann-Winter
John Brinckman
Dat ’s gråd as een dat dröppt
för weck Lüd, je dor löppt ’t, -
för anner humpelt ’t låhm un krank,–
dat ’s gråd, as een dat dröppt.
de dor möt schlåwen Nacht un Dach,
wieldat de anner schlöppt,
to|don nicks bruukt un ok nich mach,–
dat ’s gråd, as een dat dröppt.
Hans treckt sien Klott un måkt sik krumm,
wenn oll dumm Krischan röppt,
un Hans hett liehrt wat – na, worüm? -
Dat ’s gråd, as een dat dröppt.
Dien ganze Forst schütt rank un schlank,
mien eenzigst Wied ward kröppt -
dor lett sik nicks bi don, secht Pank,
dat ’s gråd, as een dat dröppt.
De een, de kricht ’ne güllen Kron,
de anner, de ward köppt,
un deenten beid för dat sülwig Lohn, –
dat ’s gråd, as een dat dröppt.
Di bringt dat grote Los de Jur
in dat Hus, wiel mi he schröppt,
du warst nu Gråf un ik blief Bur, –
dat ’s gråd, as een dat dröppt.