Schreibung:
Erstfassund (1859) 〉〉 Erstdruck mit Übersetzung 〉〉 Orthograpie Herrmann-Winter
John Brinckman
Denn helpt dat nich
un mi nich wist un machst
un achter Hans un Krischan büst
un ümmer ut mi lachst,
as ob ick dœsig wier un mall
as Hinrich sien oll Voss in ʼn Stall,
na – je denn helpt dat nich!
Un wenn du meenst, wat ik man spåß,
un dat ʼs doch all mien Iernst –
süh, denn büst du am Enn de Klås,
man dat to låt du ’t lihrnst.
Un wenn, ihrer du di dat versühst,
du nåst mit sonn lang Näs afdüüst,
na – je denn helpt dat nich!
Un wenn ik Liesch nu friegen do
un schwaps di sitten låt
samst dien oll Peterzill, süh so,
wän weet, ob mi dat schådt.
Wenn du di vör dienʼn Kopp denn schleihst
un nåsten di versöpen deist,
na – je denn helpt dat nich!