Schreibung:
Original
John Brinckman
Adschüs
Un büst nu so wit mit mi gan
Dörch Nacht un Dag un Dick un Dünn,
Nu wi ’ck di all, wat got is, günn’, –
Ick segg di nu Adschüs!
Torecht hew ick wat Oarigs klaent,
Kann sin, tovel ok vor di draent;
Na, jede Vagel fleut sin Led,
So as he nah sin Snabel het, –
Ick segg di nu Adschüs!
Wi gan nu all Beir hier vunen,
Wen wet, wat wi üns werre sen,
Wen wet, wat du dat twete Mal
Ok stiggst mit mi de Landstrat dal,
Ick segg di nu Adschüs!
Wen wet, wat ick ok Orrer krig
Un wire ga un wire stig;
Ick häng min Handstock an de Wand
Un schürr di, Brore, nu de Hand
Un segg di nu Adschüs!