Schreibung:
Original
John Brinckman
He stürw
Nu, More, More, mak di stark
Un droeg di aw din Tran!
De Wag de für nu voer, Johann,
Un Schritt foer Schritt lettst du din Spann
Hen na den Kirchhoff gan.
Wi, Kinne, wi ga mit to Fot;
De Weg to Gott is ümmer got,
Un is ’t sonn swoaren Gang,
So swoar as ick em gan nu moet,
Mi drägen doch sacht hen min Foet,
Wir he noch ens so lang.
Wat freugt ick mi, as Gott em gew. –
Sonn enzigst Kind hett en so lew,
Wat helpt dat alltosam!
He stürw; ick bring em nah sin Graw,
Gott’s Husdoer is ’t, doa sett ’k em aw –
Für to, in Jesu Nam! -
Quelle: Vagel Grip. Güstrow : Opitz, 1859. S. 188. online 〉〉