Workshop Sprachausbau Plattdeutsch
(Thema des Tages vom 29.01.2025)
Das Niederdeutschsekretariat lädt ein zu einem Workshop zum Thema "Sprachausbau des Niederdeutschen" am 12. Februar 2025. In der Pressemitteilung heißt es unter anderem:
[...] Spraakutbo – dat heet, dat de Spraak rieker warrn mütt, an Utdrucksmööglichkeiden, an Wöör, man ok an Vörgaven, wat denn to en goot Plattdüütsch tellen deit un wat nich. [...] Bi de Arbeit an düt Thema is vun’n Bunnsraat för Nedderdüütsch en Broschüür rutkamen: “Mehr Wöör för Platt – Woans geiht Spraakutbo?“ Dorin warrt de Begreep un de Grünn för Spraakutbo verkloort, man ok wat för Strategien een bruken kann, üm ne’e Wöör to finnen, wat de fakensten Fehlers sünd, bi Lüüd, de Platt lehrt, un woans sik elk un een an den Spraakutbo bedeligen kann.
In düsse Warksteed wüllt wi uns över dat Thema uttuuschen: Wat fehlt jo för Wöör op Platt? Un wat för Wöör hebbt ji al nee in jo Platt opnahmen? As Instieg hebbt wi twee Referenten inlaadt: Jan Graf, ehdem Baas vun Plattradio, wat en wichtige Steed vun’n Spraakutbo weer. Un Robert Langhanke, Universität Flensborg, de Vörsitter vun de SASS-Redakschoon is, de dat SASS-Wöörbook rutgifft. He vertellt vun de spraakutboen Arbeit vun de Redakschoon.
De Warksteed is op Platt.
Veranstalter: Bunnsraat för Nedderdüütsch un Nedderdüütschsekretariat
Anmellen un Fragen: per Mail an info@niederdeutschsekretariat.de
Anmellensfrist: Dingsdag, 11.02.2025
Datum un Tiet: Middeweken, 12.02.2025, Klock 6 bet halvig 8 an’n Avend
Woneem: online, Zoom-Lenk kümmt as Mail