Hermann Krone: Dat gaht Dick wat an
(Thema des Tages vom 27.05.2023)
Ostfälisch
Heinrich Hermann Krone worr an 22. Mai 1912 in Belsdörp in’n Kreis Haldensleben geborn. He wuss tosomen mit twee Geschwistern, Irmgard un Erich, ob.
Hermann besöch dat Gymnasium in Haldensleben un fung no dat Abitur een Lehrerstudium an de Pädagoische Hochschool in Wolfburg an.
In Wolfsburg lehr he loter uk sien Ehefru Hanna Otte kennen. De beiden heiroten an’n 21. März 1946. Anʼn 17. Januar 1947 keem süm einzige Dochter Ulrike in Arpke (Lehrte) to Welt.
In’n tweten Weltkrieg harr Hermann Krone keene Anstellung as Lehrer. Ut den Grund wohn de junge Familie bi Hannas Öllern in Arpke ob’n Buurnhoff. Loter kreeg he wedder Arbeit as Lehrer in Arpke un Immensen.
1962 worr Hermann no Weltmar (Burgwedel) versett. 1975 worr he pensioniert un trock no Bad Eilsen, wo he anfung, ob Hoch- un Plattdütsch to schrieven un to dichten.
He weer överut naturverbun’ un hett veel Tiet in de Natur verbröcht. Mit sien Gedichte hett he sien Verehrung un sien Respekt vör unse schöne Welt toʼn Utdruck bröcht.
Anʼn 13. Juli 1988 ist he in Herzberg an’n Harz verstorven, een Ort, an den he gern mit sien Fru Urlaub mookt hett.
mehr in niederdeutsche-literatur.de/werke