Schreibung:
Original
Text mit Wort-für-Wort-Übersetzung 〉〉

Theodor Storm


Gode Nacht


Över de stillen Straten
Geit klar de Klokkenslag;
God’ Nacht! Din Hart will slapen,
Un morgen is ok en Dag.

Din Kind liggt in de Wegen,
Un ik bün ok bi di;
Din Sorgen un din Leven
Is allens um un bi.

Noch eenmal lat uns spräken:
Goden Abend, gode Nacht!
De Maand schient op de Däken,
Uns’ Herrgott hölt de Wacht.