Schreibung:
Erstdruck (1859) 〉〉 Erstdruck mit Übersetzung 〉〉 Orthographie Herrmann-Winter
John Brinckman
Poppedeiken
mien lütt Pöppedeiken!
Mien Höhning, mien Henning,
mien Tüterüterenning!
Du schast ’n rieken Schulten frien,
’n Kruskopp schall dien Brüjam sien,
de hålt di af to Pingsten
mit vier jung schwartbrun Hingsten.
Mareiken, Mareiken,
mien söt Pöppedeiken!
Mien Seeling, mien Püting,
mien Snippesnappeschnüting!
Teihn blanke Bolten flässen Linnʼ
de låt ik di to Hochtiet spinnʼ
un föftig heeden Låken,
wenn wi den Flass ierst bråken.
Mareiken, Mareiken,
mien smuck Pöppedeiken!
Mien Herzing, mien Söting,
mien Pitschepatschepöting!
Wen binnt dien Hoor, wen winnt dien Kron?
Je, dat schall Preestersmoder don
mit Gold un Sülwerfåden
un blanke Bäwernadeln.