Schreibung:
Erstdruck (1859) 〉〉 Erstdruck mit Übersetzung 〉〉 Orthographie Herrmann-Winter
John Brinckman
Schwienschlachten
Nu gifft dat frische Kost!
Hurra! Nu is uns Fettschwien schlacht,
Dor hängt he an de Post!
Nu ward dat ’n Läben,
Nu gifft ʼt Schmolt un Greben,
Kohl-, Blot-, Grütt- un Hackwust,
Mett-, Läwer- un Knackwust!
Un Våder schüfft sin Klott un secht:
- He ’s dörch un dörch gesund,
he hett keen eenzig Finn un wecht
sien drüddhalfhunnert Pund. -
Un Moder secht: - He ’s schnickenfett;
dat heet ’k mi noch ’ne Flom,
De is so fast as ’n Eekenbrett
Un so witt as Stutenkrom! -
Un Trin, de kann een in de Kœk
herümmarachen hür’n;
de möt dat grot Fatt för de Päk
mit Wipens noch awschür’n.
Un ick, ick mücht, dat morrn all wier,
denn ward tohaugt dat Schwin;
denn kümmt de Kätel up dat Für, –
De ierst Wust, de is mien!
Hurra! Is ’t ’n Läben!
Nu gifft ’t Smolt un Greben,
Kohl-, Blot-, Grütt- un Hackwust,
Mett-, Läwer- un Knackwust!